Мамлакатимизда кичик бизнес ва хусусий тадбиркорликни ривожлантириш, ёшларни бизнесга жалб этишга катта эътибор берилаётганлиги ҳамда ёшларга экологик бизнес бўйича билим, малака ва кўникмаларни бериш мақсадида Тошкент шаҳар “ЕКОМАКТАВ” экология-ресурс маркази “Yoshlar uchun Ekobiznes maktabi” доирасида  Ўзбекистон Экологик ҳаракатининг “Ёшлар қаноти” ва “Chinor ENK” экологик нашриёт компанияси билан ҳамкорликда   талаба-ёшларнинг “Экология ва Бизнес” мавзусидаги  мақолаларини қабул қилади.
Мақолалар қуйидаги мавзуларни ёритиши  мумкин:
• Табиий ресурс, энергиядан самарали фойдаланиш ва тежаш йўллари;
• Тоза, кам чиқитли ва чиқитсиз хўжалик фаолиятини юритиш;
• Яшил иқтисодиётни тарғиб қилиш ва маҳсулотларни қайта ишлаш;
• Экологиялаштириш жараёни ва тежамкор технологияларни қўллаш;
• Табиатдан фойдаланиш ва табиат капиталини бойитишга оид новаторлик, инновацион ғоялар, ишланмалар, тадқиқотлар;
• Табиатдан фойдаланишда миллий маънавий-экологик қадриятлар;
• Соф энергия манбалардан фойдаланиш;
• Экодизайн ва экологик реклама;
• Ободонлаштириш ва кўкаламзорлаштириш бўйича тадбирлар;
• Экологик тоза маҳсулотларни ишлаб чиқариш ва ундан фойдаланиш;
• Биотехнология;
• Экобизнесга оид шахсий тажриба ва янги ташаббускорлик ишлар;
• Экобизнес соҳасига оид муаллифлик лойиҳалари, бизнес режалар  ва бошқ.

Мақолалар 2012 йилнинг  20 февралигача қабул қилинади. Мақолалар  алоҳида тўплам сифатида нашр этилиб, унинг муаллифлари 2012 йилда Тошкент шаҳрида ўтказиладиган  «Ёшлар ва экобизнес» анжуманида иштирок этадилар.
Мақолалар(тезис) ҳажми 5 бетдан ошмаслиги, принтердан чиқарилган ҳамда электрон вариантларда, ўзбек ва рус тилларида қабул қилиниб, муаллиф исми шарифи, алоқа манзили кўрсатилиши лозим. Мақолалар қўйидаги  манзилга юборишингиз мумкин: Тошкент ш., Сугаллий ота кўчаси 7 уй ёки Ўзбекистон Экологик ҳаракати «Ёшлар қаноти»(«Бунёдкор» метроси). Мақолани электрон вариантини қўйидаги электрон манзилга юборишингиз мумкин: Этот e-mail адрес защищен от спам-ботов, для его просмотра у Вас должен быть включен Javascript
Қўшимча маълумотларни қуйидаги электрон манзилдан олишингиз мумкин:
Этот e-mail адрес защищен от спам-ботов, для его просмотра у Вас должен быть включен Javascript
“МТТ–Maktabdan tashqari ta’lim” журнали  лойиҳанинг ахборот кўмаги ҳисобланади. “Yoshlar uchun Ekobiznes maktabi” лойиҳаси Жаҳон банкининг Ўзбекистондаги ваколатхонаси “Ижтимоий ривожланиш жамғармаси -2011”  дастури томонидан қўллаб-қувватланган.